x.x.xIX.

Disgynsit en trwm rac alauoed wyrein Wyre llu llaes ysgwydawr Ysgwyt vriw rac biw beli bloedvawr Nar od uch gwyar fin festinyawr An deliit kynllwyt y ar gynghorawr Gorwyd gwareurffrith rin ych eurdorchawr Twrch goruc amot emlaen ystre ystrywawr Teilingdeith gwrthyat gawr An gelwit e nef bit athledhawr Emyt ef krennit e gat waewawr Catvannan er aclut clotvawr No chynhennit na bei llu idaw llawr

XL.

Am drynni drylaw drylenn Am lwys am difiwys dywarchen Am gwydaw gwallt e ar benn Y am wyr eryr gwydyen Gwyduc neus amuc ac wayw Ardullyat diwyllyat e berchen Amuc moryen gwenwawt Murdyn a chyvrannv penn Prif eg weryt ac an nerth ac am hen Trywyr yr bod bun bratwen Deudec gwenabwy vab gwen

XLI.

Am drynni drylaw drylenn Gweinydyawr ysgwydawr yg gweithyen En aryal cledyual am benn En lloegyr drychyon rac trychant unben A dalwy mwng bleid heb prenn En e law gnawt gwychnawt eny lenn O gyurang gwyth ac asgen Trenghis ny diengis bratwen

XLII.

Eurar vur caer krysgrwydyat Aer cret ty na thaer aer vlodyat Un ara ae leissyar argatwyt Adar brwydryat Syll o virein neus adrawd a vo mwy O damweinnyeit llwy Od amluch lliuanat Neus adrawd a vo mwy Enawr blygeint Na bei kynhawel kynheilweing

XLIII.

Pan vuost di kynnivyn clot En amwyn tywyssen gordirot O haedot en gelwit redyrch gwyr not Oed dor diachor diachor din drei Oed mynut wrth olut ae kyrchei Oed dinas e vedin ae cretei Ny elwit gwinwit men na bei

XLIV.

Ket bei cann wr en vn ty Atwen ovalon keny Pen gwyr tal being a dely

XLV.

Nyt wyf vynawc blin Ny dialaf vy ordin Ny chwardaf y chwerthin A dan droet ronin Ystynnawc vyg glin A bundat y En ty deyeryn Cadwyn heyernyn Am ben vyn deulin O ved o vuelin O gatraeth werin Mi na vi aneurin Ys gwyr talyessin Oveg kywrenhin Neu cheing e ododin Kynn gwawr dyd dilin

XLVI.

Goroled gogled gwr ae goruc Llary vronn haeladon ny essyllut Nyt emda daear nyt emduc Mam mor eiryan gadarn haearn gaduc O nerth e cledyf claer e hamuc O garchar amwar daear em duc O gyvle angheu o anghar dut Keneu vab llywarch dihauareh drut

XLVII.

Nyt ef borthi gwarth gorsed Senyllt ae lestri llawn med G.o.dolei gledyf e gared G.o.dolei lemein e ryuel Dyfforthsei lynwyssawr oe vreych Rac bedin ododin a brennych Gnawt ene neuad vyth meirch Gwyar a gwrymseirch Keingyell hiryell oe law Ac en elyd bryssyaw Gwen ac ymhyrdwen hyrdbleit Disserch a serch ar tro Gwyr nyt oedyn drych draet fo Heilyn achubyat pob bro

XLVIII.

Llech leutu tut leu leudvre G.o.dodin ystre Ystre ragno ar y anghat Angat gynghor e leuuer cat Cangen gaerwys Keui drillywys Tymor dymhestyl tymhestyl dymor E beri restyr rac riallu O dindywyt yn dyvu Wyt yn dy wovu Dwys yd wodyn Llym yt wenyn Llwyr genyn llu Ysgwyt rugyn Rac tarw trin Y dal vriw vu

XLIX.

Erkryn e alon ar af (ar) Er y brwydrin trin trachuar Kwr e vankeirw Am gwr e vanncarw Byssed brych briwant barr Am bwyll am disteir am distar Am bwyll am rodic am rychward Ys bro ys brys treullyawt rys en riwdrec Ny hu wy ny gaffo e neges Nyt anghwy a wanwy odiwes

L.

Ny mat wanpwyt ysgwyt Ar gynwal carnwyt Ny mat dodes y vordwyt Ar vreichir mein-llwyt Gell e baladyr gell Gellach e obell Y mae dy wr ene gell Yn cnoi angh.e.l.l Bwch bud oe law idaw Poet ymbell angell

LI.

Da y doeth adonwy at wen Ym adawssut wenn heli bratwen Gwnelut lladut llosgut No moryen ny waeth wnelut Ny delyeist nac eithaf na chynhor Ysgwn drem dibennor Ny weleist e morchwyd mawr marchogyon Wynedin my rodin nawd y Saesson

LII.

G.o.dodin gomynaf dy blegyt Tynoeu dra thrumein drum essyth Gwas chwant y aryant heb emwyt O gussyl mab dwywei dy wrhyt Nyt oed gynghorwann Wael y rac tan veithin O lychwr y lychwr lluch bin Lluchdor y borfor beryerin Llad gwaws gwan maws mur trin Anysgarat ac vu y nat ac aneurin